વાંચન મૂલ્યાંકન પ્રક્રિયાનો સારાંશ

અભ્યાસક્રમનો ઉદ્દેશ: આ અભ્યાસક્રમનો મુખ્ય ઉદ્દેશ સરળ અને સહજ રીતે બાળકોની પાયાની વાંચન ક્ષમતાનું મૂલ્યાંકન કરવાની રીતને દર્શાવવાનો છે. આ મૂલ્યાંકન પૂર્વ પ્રાથમિક અને પ્રાથમિક સ્તરે અભ્યાસ કરતાં તમામ બાળકો માટે સરળ રીતે કરી શકાય છે. આ wwww એટલે whenever, wherever, whatever & whosoever એટલે કે, ક્યારેય પણ, ક્યાંય પણ, કંઈ પણ અને કોઈપણ મોડલ પર આધારિત છે. આ અભ્યાસક્રમનો ઉપયોગ એવી રણનીતિ બનાવવા માટે કરી શકાય જેમાં બાળકોની સમાન ભાગીદારી હોય અને દરેક બાળકને તેની જરૂરિયાત પ્રમાણે શીખવાનો મોકો મળે.

આ અભ્યાસક્રમની સામગ્રી, તમામ પૂર્વપ્રાથમિક અને પ્રાથમિક શાળાઓમાં કાર્ય કરતા શિક્ષકો માટે ઉપયોગી થઇ શકે છે, જે ભાષા-નિર્માણ ક્ષમતામાં રોકાયેલા છે. આ અભ્યાસક્રમમાં ચાર મોડ્યુલ છે જે ઘણી ધારણાઓની સમજ આપે છે અને આ વાંચન સામગ્રી સરળ વિડીઓ દ્વારા પણ ઉપલબ્ધ છે. આ અભ્યાસક્રમ ઝડપથી અને સરળ રીતે કરી શકાય છે. આ અભ્યાસક્રમ દરેક વ્યક્તિ કરી શકે છે જે બાળકોની મૂળભૂત વાંચન ક્ષમતા જાણવા માંગે છે. બાળકોનાં વ્યક્તિગત મૂલ્યાંકન કરવા માટે ફોર્મેટસ અને ટુલ્સ(મૂલ્યાંકન પેપર) ડાઉનલોડ કરી શકાય છે. બાળકોની વાંચન ક્ષમતા વધારવા તેમજ મેળવવા માટે સહાયક સામગ્રી પણ પૂરી પાડવામાં આવે છે.